ტიერი ანრისთან ინტერვიუში, მანჩესტერ სიტის მთავარმა სპეციალისტმა პეპ გვარდიოლამ პრემიერლიგაში ჩემპიონობის შესახებ და თავის წინა კლუბებში წარმატებების მიზეზზე ისაუბრა.

"ბარსელონაში თავს ძალიან კომფორტულად ვგრძნობდი, საუკეთესო ფეხბურთელებით დაკომპლექტებული გუნდი მყავდა, მაგრამ ცხოვრება გამოწვევაა და ჯერ გერმანიაში აღმოვჩნდი, შემდეგ კი ინგლისში. ვიცი, რომ ბევრი ამბობდა, ბარსაში მესის გამო ვიგებდი და ისინი მართლები არიან. ხალხი ამბობდა, რომ ბაიერნთან ერთად იმიტომ ვიგებდი, რომ ეს კლუბი ისედაც ყოველთვის იმარჯვებს და ესეც მართალია. სიტის მიმართ კი უამრავი კითხვის ნიშანი არსებობდა, მეც კი მქონდა ეჭვები, თუმცა ჩვენ ეს (ჩემპიონობა) მოვახერხეთ და ახლა ბედნიერი ვარ", - განაცხადა გვარდიოლამ.