ACT-ის კვლევის მიხედვით, თბილისელები სამსახურს ყველაზე ხშირად ახლობლის/ნაცნობის რეკომენდაციით იწყებენ. ამ გზით გამოკითხულთა 55 პროცენტი დასაქმდა. დასაქმების გზებში მეორე ადგილზე (12%) ინტერნეტით ვაკანსიის მოძიებაა.

როგორც ორგანიზაციაში აღნიშნავენ, დასაქმებულთა 60 პროცენტს მიაჩნია, რომ უშუალო ხელმძღვანელის ჩანაცვლება და მისი მოვალეობის წარმატებით შესრულება შეუძლია.

ამავე კვლევის მიხედვით, 10 დასაქმებულიდან, საშუალოდ, მხოლოდ ოთხი იყენებს ინტერნეტს (37%). ამ მხრივ ყველაზე მაღალია 25-34 ასაკობრივ კატეგორიაში (65%), ხოლო ყველაზე დაბალი მაჩვენებელი - 65 წლისა და უფროსი ასაკის დასაქმებულებში (12%).

ფოტო: ACT

კვლევა თბილისის მასშტაბით 2018 წლის 12 თებერვლიდან 14 თებერვლის ჩათვლით ჩატარდა. კვლევისთვის თბილისის 403 ზრდასრული მოსახლე შემთხვევითი შერჩევის პრინციპით შეირჩა. სტატისტიკური ცდომილება საშუალოდ 3-6,5%-იან შუალედში მერყეობს. გამოყენებული მეთოდი - პირისპირ ინტერვიუ.