პედრო ალმოდოვარი ახალ ფილმს იღებს. Dolor y Gloria (ტკივილი და გამარჯვება) ასე ჰქვია ესპანელი რეჟისორის ფილმს, რომელშიც მთავარ როლებს პენელოპე კრუზი და ანტონიო ბანდერასი ასრულებენ. მსახიობებს პედროსთან უკვე უმუშავიათ რამდენიმე პროექტზე.

ფილმის გადაღებები ივლისსში დაიწყება და როგორც ცნობილია, აქცენტი კაც პერსონაჟზე გაკეთდება. პენელოპესა და ანტონიოს გარდა ფილმში ვიხილავთ ხულიეტა სერანოსაც, რომელიც აქამდე პედროს რამდენიმე ფილმში უკვე თამაშობდა, მათ შორის "ქალები ნერვიული აშლილობის ზღვარზე".

"უბედნიერესი ვარ, რომ პენელოპე და ხულიეტა იქნებიან ამ ფილმში, ორი მსახიობი, რომელსაც ვაღმერთებ", - ამბობს ალმოდოვარი.

ფილმის სიუჟეტი ამ ეტაპზე არ ხმაურდება, თუმცა რეჟისორი ამბობს, რომ ისტორია შთაგონებულია მისი ცხოვრების გარკვეული ეტაპებიდან.