რუსმა დეპუტატმა, იაროსლავ პეტროვსკიმ, ამერიკული სანქციების გამო, პროტესტის ნიშნად, აიპედი დაამტვრია. ამის ამსახველი ვიდეო კი, ფეისბუქზე გამოაქვეყნა.

რუსული მედიის ინფორმაციით, პეტროვსკიმ აიპედის გატეხვის მიზეზად პრემიერმინისტრ დიმიტრი მედვედევის განცხადება მოიყვანა, რომელიც მოსახლეობას ამერიკულ პროდუქციაზე უარის თქმისკენ მოუწოდებდა. დეპუტატმა ურჩია მედვედევს და სახელმწიფო დუმის სპიკერს, მის მაგალითს მიბაძონ.

აშშ-ის სანქციების საპასუხო ქმედებებისთვის რუსეთის დუმაში კანონპროექტი შეიტანეს. დეპუტატებს სურთ, რომ აშშ-დან მედიკამენტების, სიგარეტებისა და ალკოჰოლის იმპორტი აკრძალონ. ასევე, აიკრძალოს რუსეთში წარმოებული სარაკეტო ძრავების აშშ-ში გატანა.