რუსთავი ორის კულინარიული შოუ, ჩემი სამზარეულოს წესები, 25 აპრილიდან მეორე სეზონით დაბრუნდება.

ამჯერად შოუს ფორმულა კრეატივი გადაიღებს, გადაცემის ჟიურიში კი გურამ ბაღდოშვილი და მერიკო გუბელაძე იქნებიან. მერიკო გუბელაძე ნიკა გვარამიას შეცვლის.

პირველი სეზონისგან განსხვავებით, ამჯერად გამარჯვებული წყვილი საჩუქრად 100 ათას ლარს მიიღებს.

წარმოგიდგენთ ჩემი სამზარეულოს წესების ახალი სეზონის მონაწილეების:

გადაცემის ორიგინალი ავსტრალიური My Kitchen Rules არის, რომელიც ეთერში გასვლის დღიდან პოპულარობას არ კარგავს და მეტიც, ქვეყნის ყველაზე რეიტინგული გადაცემების ათეულშიც საპატიო ადგილს იკავებს.

შოუს მთავარი მიზანი მთელი ქვეყნის მასშტაბით იმ ადამიანების მოძებნაა, ვისი ჰობიც მზარეულობაა და ვისაც სურს, საკუთარი რესტორანი გახსნას. რუსთავი 2-ის ახალი გადაცემა კვლავ ეძებს მოყვარულ მზარეულებს და ჩვეულებრივ ადამიანებს ჩვეულებრივ სამზარეულოებში. მათ კონკურენტებისთვის, ჟიურის წევრებისა და მაყურებლებისთვის იმის დამტკიცება მოუწევთ, რომ გამარჯვებასა და სოლიდურ ფულად ჯილდოს იმსახურებენ.