ევროკავშირის საბჭომ მიიღო გადაწყვეტილება, მაკრო-ფინანსური დახმარების სახით, საქართველოს 45 მილიონი ევრო გამოუყოს.

ამავე თემაზე 2018 წლის 14 მარტს ევროპარლამენტში იმსჯელეს. დეპუტატებმა ევროკომისიის შეთავაზება გაიზიარეს და საქართველოსთვის 45 მილიონი ევროს გამოყოფას მხარი დაუჭირეს.

მაკრო-ფინანსური დახმარების პროგრამის ფარგლებში გამოყოფილი ფინანსური რესურსით, საქართველომ 2017-2020 წლებში საგარეო საჭიროებების ნაწილი უნდა დაფაროს. ფინანსური დახმარება შედგება 35 მილიონი ევროს ოდენობის საშუალოვადიანი სესხისაგან და 10 მილიონი ევროს ოდენობის გრანტისგან.

2008 წლის ომის შემდეგ ეს კომისიის მესამე წინადადებაა, საქართველოსთვის ფინანსური დახმარების გამოყოფის შესახებ.