თბილისის საქალაქო სასამართლომ ცოლის მიმართ ძალადობაში ბრალდებული დამნაშავედ სცნო და 1 წლით თავისუფლების აღკვეთა მიუსაჯა.

ბრალდების მხარის ვერსიით, 3 ნოემბერს, საღამოს საათებში, განზრახი დანაშაულისთვის პირობითი მსჯავრის ქვეშ მყოფმა პირმა თბილისში, მასთან არარეგისტრირებულ ქორწინებაში მყოფს მიაყენა სიტყვიერი შეურაცხყოფა და ზურგის არეში ჩაქუჩი დაარტყა.

პროკურატურის ცნობით, მანამდე, 2 ნოემბერს, დღის საათებში, ბრალდებულმა ცოლს სიტყვიერი შეურაცხყოფა მიაყენა და დაარტყა სახის არეში.

სამართალდამცველებმა ზ.ს. 2017 წლის 5 ნოემბერს, თბილისში დააკავეს.