ალჟირის ჩრდილოეთით ავიაკატასტროფის შედეგად 257 ადამიანი დაიღუპა. ინფორმაციას ალჟირის თავდაცვის სამინისტრო ადასტურებს. სამხედრო-სატრანსპორტო თვითმფრინავი ილ-76 ავიაბაზიდან აფრენის შემდეგ, 30 კილომეტრში დედაქალაქთან ახლოს ჩამოვარდა.

თავდაცვის სამინისტროს განცხადებით, გარდაცვლილებს შორის სამხედრო პირები და მათი ნათესავები არიან, ასევე, ეკიპაჟის ათი წევრი. ავიკატასტროფის მიზეზი ჯერჯერობით უცნობია.