ამერიკის შეერთებული შტატების სახელმწიფო მდივანი ჯონ კერი, საქართველოს, უკრაინისა და პოლონეთის შემდეგ, ვიზიტს რუსეთში გააგრძელებს. კერი მოსკოვს 14-15 ივლისს ეწვევა და ის სამუშაო შეხვედრას გამართავს როგორც რუსეთის პრეზიდენტთან, ისე საგარეო საქმეთა მინისტრ სერგეი ლავროვთან. ინფორმაცია რუსულ მედიას ამის შესახებ რუსეთის პრეზიდენტის პრესსპიკერმა დმიტრი პესკოვმა დაუდასტურა.

პესკოვის განმარტებით, შეხვედრის მიზანი სირიისა და უკრაინის საკითხის, ასევე ორმხრივი თანამშრომლობის განხილვაა.

ამერიკა-რუსეთ შორის ურთიერთობები განსაკუთრებით გართულდა 2014 წელს რუსეთის მიერ უკრაინის შემადგენლობაში მყოფი ყირიმის ოკუპაციისა და აღმოსავლეთ უკრაინაში რუსების მიერ სეპარატისტების მხარდაჭერის შემდეგ. აღნიშნულ მოვლენებს ამერიკის მიერ რუსეთისთვის დაწესებული სანქციები მოჰყვა.