არასრულწლოვნის თანდასწრებით ოჯახში ძალადობის ფაქტზე ახალციხის სასამართლოსმ ერთი პირი დააკავა.

სასამართლომ დაადგინა, რომ მსჯავრდებულმა 2017 წლის 13 დეკემბერს ადიგენის რაიონში, ყოფილ მეუღლეს ეჭვიანობის მოტივით,არასრულწლოვანი შვილის თანდასწრებით მიაყენა სიტყვიერი და ფიზიკური შეურაცხყოფა. დაზარალებულმა ჯანმრთელობის მსუბუქი ხარისხის დაზიანება მიიღო და ფიზიკური ტკივილი განიცადა.

სამართალდამცველებმა მსჯავრდებული ადიგენის რაიონის სოფელ უდეში დააკავეს. მას სასჯელის სახედ და ზომად 1 წლით თავისუფლების აღკვეთა განესაზღვრა.