სკოლებში მოსწავლეების მეტალოდეტექტორით შეამოწმება იგეგმება. ცვლილებები მანდატურის სისტემის რეფორმის ფარგლებში გატარდება. ამის შესახებ დღეს მთავრობის სხდომაზე იმსჯელეს.

"პირადი გასინჯვა" იცვლება "უკონტაქტო ზედაპირული დათვალიერებით", რაც გულისხმობს მოსწავლის მეტალოდეტექტორით დათვალიერებას აკრძალული ნივთის აღმოსაჩენად. პროცედურა, აუცილებლად, სკოლის წარმომადგენლის თანდასწრებით უნდა განხორციელდეს."- წერია მთავრობის ადმინისტრაციის განცხადებაში.

გარდა ამისა, სიახლეა მანდატურის ვალდებულება, შეადგინოს წერილობითი ოქმი მოსწავლის მიმართ გამოყენებული ღონისძიებების შესახებ, რაც მოსწავლის უფლებების დაცვას ისახავს მიზნად.

ცვლილებების პროექტი, რომელიც განათლებისა და შინაგან საქმეთა სამინისტროებმა ერთობლივად შეიმუშავეს, მთავრობამ დღევანდელ სხდომაზე დაამტკიცა და ის უახლოეს მომავალში განსახილველად პარლამენტს გადაეგზავნება.

მანდატურის სისტემის რეფორმა მას შედემგ დაიგეგმა, რაც პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს.

გაიგეთ მეტი: რისი შეცვლა იგეგმება მანდატურის სამსახურის რეფორმირების კანონპროექტით