ქუთაისში ისტორიული უბნისა და რიონისპირა სახლების რესტავრაცია იგეგმება. აღნიშნულ თემაზე უკვე მიმდინარეობს მოლაპარაკება კულტურული მემკვიდრეობის სააგენტოსთან, ინფრასტრუქტურისა და ეკონომიკის სამინისტროებთან.

ქალაქის მერის განცხადებით, რესტავრაცია აუცილებელია იმისთვის, რომ ქალაქმა ისტორიული იერსახე შეინარჩუნოს. მისივე თქმით, აღნიშნულ შენობებს რესტავრაცია არასდროს ჩატარებია.