რუსეთის ფედერაციის პრეზიდენტმა ვლადიმერ პუტინმა 14 მარტს განაცხადა, რომ სირიაში მყოფ რუსულ სამეხდრო ნაწილებს ტერიტორიის დატოვება უბრძანა. მისი თქმით, რუსეთმა თავისი მისია შეასრულა.

სახელმწიფოს დაქვემდებარებული საინფორმაციო საშუალებების ცნობით, ჯარების სირიის ტერიტორიიდან გამოყვანა ხუთშაბათს, 17 მარტს დაიწყება.

"მიმაჩნია, რომ ის დავალება და ამოცანა, რომელიც რუსეთის თავდაცვის სამინისტროსა და არმიის წინაშე იდგა, პირნათლად შესრულდა. შესაბამისად, გავეცი ბრძანება, რომ ჩვენი შენაერთების ძირითადი ნაწილი სირიის ტერიტორიიდან გამოვიდეს." განაცხადა პუტინმა.

ამ გადაწყვეტილების შესახებ ვლადიმერი პუტინი ტელეფონით ესაუბრა ჯერ ბაშარ ალ ასადს, ხოლო შემდეგ ბარაკ ობამას.

ჯარის გამოყვანის შემდეგ რუსეთისსამხედრო ავიაცია საჭიროების შემთხვევაში ასადის მხარდაჭერას გააგრძელებს.