ინსტაგრამმა და სნეპჩატმა, Giphy-ს სტიკერები აპლიკაციებიდან მას შემდეგ წაშალეს, რაც რასისტული გიფები აღმოაჩინეს. ახლა კი, მომხმარებლებს სტიკერებით სარგებლობა კვლავ შეუძლიათ. Giphy-მ მის ბაზაში არსებული შეცდომა გამოასწორა და ახლა რასისტული გიფები ამოღებულია.

"ჩვენ სპეციფიური ცვლილებები განვახორციელეთ, რათა თავიდან ავიცილოთ მსგავსი შემთხვევები", - ნათქვამია Giphy-ს განცხადებაში.

პრობლემის მოგვარების შემდეგ, ინსტაგრამმა Giphy-ს სტიკერების აღდგენა გადაწყვიტა. ახლა ნებისმიერ თქვენგანს შეუძლია საკუთარ ფოტოზე მხიარული დამატაბების გამოტანა. რაც შეეხება სნეპჩატს, მასში Giphy-ს სტიკერები ჯერჯერობით არ აღდგენილა, თუმცა მოსალოდნელია, კომპანია აპლიკაციაში მალე შეიტანს ცვლილებებს.

შეგახსენებთ, რომ შეურაცხმყოფელი და რასისტული სტიკერების აღმოჩენის შემდეგ, ინსტაგრამმაც და სნეპჩატმაც Giphy-ს დამატება მალევე ამოიღეს აპლიკაციიდან.