1938 წლის შემდეგ პირველად, მსოფლიო ჩემპიონატის არცერთ მატჩს ბრიტანელი არბიტრი არ განსჯის.

FIFA-მ ტურნირისთვის უკვე ოფიციალურად 36 მსაჯი აირჩია და მათგან არცერთი არაა ბრიტანელი.

ასარჩევ კანდიდატთა სიაში ერთადერთი ბრიტანელი მარკ კლატენბურგი გახლდათ. მან 2016 წლის ევროპის ჩემპიონატის ფინალში იმსაჯა. თუმცა შემდეგ პრემიერ ლიგიდან წასვლა და კარიერის საუდის არაბეთში გაგრძელება გადაწყვიტა, რის შემდეგაც ადგილი დაკარგა.

საფეხბურთო ასოციაციის წარმომადგენლები FIFA-ს სთხოვდნენ, რომ კლატენბურგი სხვა რეფერით ჩაენაცვლებინათ, თუმცა უარი მიიღეს.

საინტერესოა, რომ 2018 წლის მსოფლიო ჩემპიონატზე არც მთავარი არბიტრის ასისტენტებში იქნებიან ბრიტანელები.