აშშ-ის პრეზიდენტის, დონალდ ტრამპის ადმინისტრაციის გადაწყვეტილებით, ვიზის მისაღებად პოტენციურმა ემიგრანტმა თავისი სოციალური ქსელების ანგარიშების ხუთწლიანი ისტორია უნდა წარადგინოს. ინფორმაციას CNN ავრცელებს.

ადმინისტრაციის ინფორმაციით, მსგავსი გადაწყვეტილება 15 მილიონ პოტენციურ ემიგრანტს შეეხება. ახალი რეგულაცია მათზეც გავრცელდება, ვისაც აშშ-ში მუდმივი ცხოვრების უფლების მიღება სურს. გამონაკლის მხოლოდ დიპლომატიური ვიზა იქნება.

განკარგულება დღეს, 30 მარტს გამოქვეყნდება და 60 დღის შემდეგ ოფიციალურად შევა ძალაში. ფედერალური მთავრობა აღნიშნავს, რომ მსგავსი რეგულაცია უსაფრთხოებისთვის აუცილებელია.

სოციალური ქსელების ანგარიშების ისტორიის წარდგენის გარდა, აპლიკაციის შევსებისას, სავალდბეულო იქნება ძველი ტელეფონის ნომრების, ელექტრონული ფოსტების, წინა საიმიგრაციო დარღვევებისა და ოჯახის ნებისმიერი წევრის ტერორისტული საქმიანობის მითითება.