რუსეთის საგარეო საქმეთა მინისტრის მოადგილის გრიგორი კარასინის თქმით, პარლამენტმა ოკუპირებულ ტერიტორიებთან დაკავშირებული რეზოლუციის მიღებით პრემიერ-მინისტრის გიორგი კვირიკაშვილის განცხადება უარყო.

გრიგორი კარასინის განცხადების თარგმანს რუსთავი 2 ავრცელებს.

კარასინის თქმით, პრემიერ-მინისტრის ღია წერილი მიმართული იყო კონსტრუქციული და პოზიტიური წინსვლისკენ სამხრეთ ოსეთთან და აფხაზეთთან ურთიერთობებში.

"შევაფასეთ, რამდენად რისკის შემცველია საქართველოს პარლამენტის მიერ მიღებული განცხადება, რომელმაც კვირიკაშვილის მიმართვა უარყო და შეიძლება მოფიქრება, როგორ უნდა მოხვდეს ჟენევის დისკუსიის რეფორმირება. შეიძლება ტექსტს დათანხმდე ან არ დათანხმდე, მაგრამ ეს ორი თვე უნდა დავფიქრდეთ,“ - განაცხადა გრიგორი კარასინმა.

საქართველოს პრემიერმა ღია წერილით რუსეთის ხელისუფლებას, არჩილ ტატუნაშვილის ცხედრის გადმოსვენებასთან დაკავშირებული პრობლემების მოგვარების პროცესში მიმართა.

ჟენევის საერთაშორისო დისკუსიების 43-ე რაუნდის მონაწილეებმა ძალის გამოუყენებლობის შესახებ ერთობლივი განცხადება ვერ მიიღეს. მხარეები განცხადების ტექსტზე ვერ შეთანხდნენ. რუსეთის ფედერაციამ არჩილ ტატუნაშვილის მკვლელობის ფაქტზე პოლიტიკური პასუხისმგებლობა არ აიღო.