რუსეთის საგარეო საქმეთა სამინისტრომ დიდი ბრიტანეთი დაადანაშაულა იმაში, რომ ისინი თავის ტერიტორიაზე რუსი ხალხის უსაფრთხოებას ვერ უზრუნველყოფენ.

უწყებამ განცხადება დიდ ბრიტანეთში სერგეი სკრიპალის მოწამვლასთან დაკავშირებით გაავრცელა. განცხადებაში, ასევე, აღნიშნული იყო ბრიტანეთში უსაფრთხოების სამსახურის ყოფილი თანამშრომლის ალექსანდრ ლიტვინენკო მოწამვლის საქმე. როგორც სკრიპალის, ისე ლიტვინენკოს საქმეებზე ლონდონი პასუხისმგებლობას რუსეთს აკისრებს.

"თუ რუსეთის მხარე დამაჯერებელ მტკიცებულებებს არ მიიღებს, მივიჩნევთ, რომ უდიდესი პოლიტიკური პროვოკაციის შედეგად ჩვენს მოქალაქეზე განზრახ მკვლელობის მცდელობა განახორციელეს. ხაზს ვუსვამთ, რომ მტკიცების ტვირთი ბრიტანეთს აკისრია", - ნათქვამია განცხადებაში.

ყოფილი რუსი ჯაშუში, სერგეი სკრიპალი და მისი შვილი, იულია, დიდ ბრიტანეთში ნერვო-პარალეპტიკური გაზით მოწამლეს. ბრიტანეთის პრემიერ-მინისტრმა, ტერეზა მეიმ ინციდენტში რუსეთი დაადანაშაულა და ქვეყნიდან 23 რუსი დიპლომატი გააძევა, ასევე, დაუწესა ეკონომიკური სანქციები.

ბრიტანეთის მხარდასაჭერად 130-ზე მეტი რუსი დიპლომატები გააძევეს აშშ-დან, კანადიდან და ევროპის ქვეყნებიდან. ჩრდილო ატლანტიკური ალიანსი, ნატოში რუსეთის მისიის შვიდ მოხელეს გააძევებს. ასევე, მისიის კიდევ სამ წევრს უარი ეთქვა აკრედიტაციაზე.

რუსეთიდან ევროკავშირმა დროებით თავისი ელჩიც გაიწვია.

გაიგეთ მეტი: