რუსეთის საგარეო საქმეთა სამინისტროს ინფორმაციით, ნატო-რუსეთს შორის 13 ივლისს დაგეგმილი შეხვედრის მთავარი განსახილველი საკითხი ვარშავის სამიტზე მიღებული გადაწყვეტილება იქნება, რომლის თანახმადაც ალიანსი აღმოსავლეთში თავისი სამხედრო წარმომადგენლობის გაზრდას აპირებს. უწყების ცნობით, საუბარი ასევე შეეხება ამ გადაწყვეტილების გავლენას ევროპულ უსაფრთოხებაზე. ინფორმაციას ამის შესახებ რია ნოვოსტი ავრცელებს.

რაც შეეხება შეხვედრის ფარგლებში განსახილველ სხვა მნიშვნელოვან საკითხებს, უწყების წარმომადგენელმა, მარია ზახაროვამ განაცხადა, რომ რუსეთი დისკუსიას შემდეგ საკითხებზე გამართავს: ფინეთის მიერ ინიცირებული გეგმა, ბალტიის ზღვის რეგიონში საავიაციო უსაფრთხოების გაზრდა და აშშ-სა და ნატოს მიერ ევროპაში მიმდინარე სისტემის მშენებლობის სტრატეგიული სტაბილურობის შენარჩუნებასთან დაკავშირებული რისკები:

"გარდა ამისა, "მინსკის მოლაპარაკებების შესრულების აუცილელობის კონტექსტში" საუბარი უკრაინის კრიზისს შეეხება, ასევე ვისაუბრებთ ავღანეთში არსებული სიტუაციის სტაბილურობასა და რეგიონულ ტერორისტულ საფრთხეზეც".

რუსეთი: ნატო აღმოსავლთიდან მომდინარე იმ საფრთხეზე საუბრობს, რომელიც არ არსებობს