საქართველოს ახალგაზრდა იურისტთა ასოციაცია სოფლის მეურნეობის მინისტრის მოადგილის, ნინო თანდილაშვილის ქმედებებში უფლებამოსილების გადამეტებისა და საჯარო სამსახურის შესახებ ნორმების დარღვევის ნიშნებს ხედავს. ამ მიზეზით, ორგანზიაციაში აცხადებენ, რომ საკითხით საჯარო სამსახურის ბიურო და საქართველოს პროკურატურა უნდა დაინტერესდნენ.

2018 წლის 15 მარტს გარემოს ეროვნული სააგენტოს ხელმძღვანელმა, თამარ ბაგრატიამ თანამდებობა პირადი განცხადების საფუძველზე დატოვა. მისი თქმით, ნინო თანდილაშვილმა ეროვნული სააგენტოს უფროსის პირველი მოადგილის თანამდებობაზე თემურ წითელაშვილის დანიშვნა კატეგორიულად მოსთხოვა.

ბაგრატიას თქმით, მას თანდილაშვილმა მოსთხოვა, რომ თემურ მთივლიშვილი მოადგილედ კონკურსის გარეშე დაენიშნა. საიას კი მიაჩნია, რომ ერთპიროვნულად და უკონკურსოდ არ დანიშნონ თანამდებობის პირები.

"შესაბამისად, პროფესიული საჯარო მოხელის (აუდიტის სამსახურის უფროსის) გადაყვანა სახელმწიფო მოსამსახურის (სსიპ-ის მოადგილის) თანამდებობაზე არ შეიძლება მიჩნეული იყოს "შესაბამის თანამდებობაზე" გადაყვანად, რაც მოცემულ შემთხვევაში კანონის ძირითადი მოთხოვნა იყო", - აცხადებენ საიასში.