კანდიდატურის მოხსნის მიუხედავად, სიდას ყოფილ დირექტორს, ზვიად დევდარიანს საზოგადოებრივი მაუწყებლის სამეურვეო საბჭოს კანდიდატად პარლამენტის სხდომაზე კენჭი მაინც უყარეს. სექსუალურ შევიწროებაში დადანაშაულებულ დევდარიანს პარლამენტისთვის კანდიდატურის მოხსნის შესახებ განცხადებით არ მიუმართავს.

ზვიად დევდარიანის კანდიდატურას სამმა დეპუტატმა დაუჭირა მხარი: ემზარ კვიციანი, გრიგოლ მიქელაძე და გიგა ბუკია.

გიგა ბუკიამ On.ge-ს უთხრა, რომ დევდარიანის მიმართ უდანაშაულობის პრეზუმცია დაირღვა და ხმის მიცემით უდანაშაულობის პრეზუმციას დაუჭირა მხარი.

"ადამიანის წინააღმდეგ ყოველგვარი კონკრეტული ბრალდებებისა და სასამართლო გადაწყვეტილების გარეშე შეთქმულებითი შეტევები განხორციელდა. არ ვამბობ, რომ დამნაშავე არის თუ არა, ამის არანაირი ინფორმაცია არ გამაჩნია, არც რაიმე პირადი ურთიერთობები არ მაქვს. მიმაჩნია, რომ მისსა და მისი ოჯახის გარშემო შექმნილი სიტუაცია უსამართლოა".

On.ge ცდილობს, დაუკავშირდეს ემზარ კვიციანსა და გრიგოლ მიქელაძეს და მათგანაც გაიგოს დევდარიანს მხარი რატომ დაუჭირეს.

ზვიად დევდარიანმა საზოგადოებრივი მაუწყებლის სამერუვეო საბჭოს კანდიდატურა მას შემდეგ მოხსნა, რაც 10-მდე ქალმა სექსუალური შევიწროებაში დაადანაშაულა.