რუსმა ჟურნალისტმა, რენატ დავლეტგილდეევმა ფეისბუქზე დაწერა, რომ დეპუტატი ვლადიმერ ჟირინოვსკი მას სექსუალურად ავიწროებდა.

როგორც ჟურნალისტი ყვება, 2006 წელს, "მის რუსეთის" კონკურსის შემდეგ ჟირინოვსკის დამხმარეებს დეპუტატის პარტიის "კორპორატიულ საუნაში" მისი წაყვანა სურდათ. დავლეტგილდეევის თქმით, ინტერვიუს აღებისას ჟირინოვსკი მას საჯდომზე ეხებოდა.

ჟურნალისტმა აღნიშნა, რომ მაშინ ის ღიად გეი არ იყო და ამ სიტუაციის შერცხვა, ასევე, თავისი ორიენტაციის დამალვას ცდილობდა.

სექსუალური შევიწროების ბრალდება დუმის კიდევ ერთი დეპუტატის მიმართ გაისმა. ლეონიდ სლუცკი სხვადასხვა გამოცემის ჟურნალისტებმა სექსუალურ შევიწროებაში დაადანშაულეს. საკითხი ეთიკის კომისიამ განიხილა და დაადგინა, რომ სლუცკის მიმართ გამოთქმული ბრალდებები სიმართლეს არ შეესაბამებოდა.

კომისიის გადაწყვეტილების გამო რამდენიმე რუსულმა მედიასაშუალებამ რუსეთის დუმას ბოიკოტი გამოუცხადა და თავისი ჟურნალისტები გაიწვია.