რამდენიმე რუსულმა მედიასაშუალებამ რუსეთის დუმას ბოიკოტი გამოუცხადა და თავისი ჟურნალისტები გაიწვია. ბოიკოტის მიზეზი ეთიკის კომისიის გადაწყვეტილება გახდა, რომლის მიხევდითაც, დეპუტატ ლეონიდ სლუცკის მიმართ გამოთქმული სექსუალური შევიწროების ბრალდებები სიმართლეს არ შეესაბამებოდა.

სახელმწიფო დუმას ბოიკოტი გამოუცხადეს დოჟდიმ, RBK, ლენტამ, კომერსანტმა, ეხო მოსკვამ და Pravo.ru-მ.

ეთიკის კომისიამ განაცხადა, რომ ბრალდებების საპრეზიდენტო არჩევნების წინ გაისმა და ჟურნალისტების ქმედება მიზანმიმართული და დაგეგმილი უწოდა.

დუმის სპიკერმა ვიაჩესლავმ ვოლოდინმა განაცხადა, რომ იმ მედიასაშუალების წარმომადგენლებს, რომლებმაც ბოიკოტი გამოცხადეს, პარლამენტში შესვლის აკრედიტაცია შეუჩერდებათ.

თებერვალში სლუცკი სექსუალურ შევიწროებაში RTVI-ის რედაქტორის მოადგილემ, ეკატერინე კოტრიკაძემ და დოჟდის პროდიუსერმა, დარია ჟუკმა დაადანაშაულეს. თვითონ სლუცკიმ ყველა ბრალდება უარყო.