თბილისის მერის, კახა კალაძის თქმით, სამშენებლო წესების უსაფრთხოების წესების დარღვევაზე, უნებართვო მშენებლობასა და პროექტის დარღვევით მშენებლობაზე გაზრდილი სანქციები დღეიდან, 22 მარტიდან ამოქმედდა. კახა კალაძის განცხადებას თბილისის მერიის პრესსამსახური ავრცელებს.

"კანონმდებლობაში შეტანილი ცვლილებებით, რა თქმა უნდა, შევძლებთ იმას, რომ როგორც დამკვეთი, ასევე შემსრულებელი იყოს მოტივირებული, რომ მის ობიექტზე დასაქმებული მოქალაქეების უსაფრთხოება მაქსიმალურად იყოს დაცული", - განაცხადა თბილისის მერმა.

კალაძის ინიციატივით:

  • მშენებელი პირველივე დარღვევაზე გაფრთხილების ნაცვლად 30 ათასი ლარით დაჯარიმდება;
  • თუ მშენებელი მუშაობას განაგრძობს დამატებით 50 ათასი ლარით დაჯარიმდება;
  • თუ სახელმწიფოს ტერიტორიაზე უკანონოდ მიმდინარეობს მშენებლობა ჯარიმა 25 ათასი ლარი იქნება;
  • თუ კერძო ტერიტორიაზე უკანონოდ მიმდინარეობს მშენებლობა ჯარიმა 20 ათასი ლარი იქნება;
  • მესამე და მეოთხე კლასის ობიექტებზე ჯარიმა 15 და 20 ათას ლარამდე იზრდება.

ამავე თემაზე: თბილისში მშენებლობაზე პირველივე დარღვევაზე ჯარიმა 30 ათასი ლარი იქნება