კოსოვოს პარლამენტში, კენჭისყრის ჩასაშლელად, ოპოზიციონერებმა ცრემლსადენი გაზი გაუშვეს. კენჭისყრაზე მონტენეგროსთან საზღვრის დემარკაციის, ანუ დადგენის საკითხი განიხილებოდა.

გაზის გაშვების შემდეგ დარბაზიდან ევაკუაცია გახდა საჭირო. სესია მოგვიანებით განახლდა, განახლების შემდეგ ოპოზიციამ ცრემლსადენი გაზი ისევ გამოიყენა. პარლამენტის სპიკერმა განაცხადა, რომ სესიის ჩაშლაში მონაწილე ხუთ დეპუტატს სესიაში მონაწილეობა აუკრძალეს. მსგავსი ხერხი ბოლო სამი წლის განმავლობაში ოპოზიციონერებს არაერთხელ გამოუყენებიათ.

კანონპროექტის მიღების შემთხვევაში ოპოზიციონერები ამბობენ, რომ კოსოვო ტერიტორიის 8 200 ჰექტარს დაკარგავს.