ბათუმში, სახლის სახურავიდან მუშა გადმოვარდა და გარდაიცვალა. შინაგან საქმეთა სამინისტროში On.ge-ს უთხრეს, რომ ის სარემონტო სამუშაოებს ასრულებდა.

ბათუმელები-ს ინფორმაციით, მუშები ძველი კორპუსის სახურავს და საწვიმარს ცვლიდნენ. ამავე გამოცემასთან სამეზობლო აცხადებს, რომ მათ სახლის შეკეთების მოთხოვნით ბათუმის მერიას მიმართეს, მუშები კი მერიამ დაიქირავა.

საქმეზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ნორმების დარღვევას გულისხმობს, რამაც ადამიანის სიცოცხლის მოსპობა გამოიწვია