ქობულეთის მერის, მირიან ქათამაძის თქმით, ყველა ხე, რომელიც სოფელ კვირიკეში მოიჭრა, კერძო საკუთრებაა და ქარსაცავ ზოლს არ წარმოადგენს.

"მუნიციპალიტეტს მომართა მოქალაქემ სათანადო წესის დაცვით ჩვენ გავეცით თანხმობა და ამ თანხმობის საფუძველზე მოიჭრა ხე-მცენარეები და შემდგომში ტრანსპორტირებისთვის ქობულეთის მუნიციპალიტეტის მერიისგან მიიღო თანხმობა".

სოფელი კვირიკეს მაცხოვრებელმა და ერთიან ნაციონალურ მოძრაობის წევრმა, რეზო ხარაზმა განაცხადა, რომ მის სოფელში ქარსაცავი ხეები გაჩეხეს, რათა ივანიშვილის დენდროლოგიური პარკში ხე გადაეტანათ.

როგორც ხარაზმა On.ge-ს უთხრა, ქარსაცავი წინა საუკუნის 50-იან წლებში დაირგა. მისივე თქმით, ივანიშვილის ხის გადატანის სამუშაოები რამდენიმე დღეა გრძელდება და უკვე 100-მდე ძირი კრიპტომერიის ჯიშის ხეა მოჭრილი. მისი განმარტებით, კიდევ ორმოცამდე ხის მოჭრა იგეგმება.