ფრანგი არტისტ ჰაკიმ ბეჰოუსი ამბობს, რომ დისნეიმ "ვარსკვლავური ომების" ერთ-ერთი ფილმის, Solo: A Star Wars Story, პოსტერების შესაქმნელად მისი იდეები მოიპარა.

ჰაკიმი ამბობს, რომ კინოკომპანიამ მის მიერ Sony Music-ისთვის შექმნილი პოსტერები მოიპარა და ის საკუთარ პროექტს მოარგო. ბეჰოუსმა პოსტერები 2015 წელს შექმნა.

"მხოლოდ ახლა აღმოვაჩინე და გაკვირვებული ვარ დისნეის ამ საქციელით. თუ შეადარებთ, თავადაც მიხვდებით, რომ "ვარსკვლავური ომების" პოსტერები ძალიან ჰგავს ჩემს მიერ შექმნილ პოსტერებს", - ამბობს ჰაკიმი.

დისნეის ამ თემაზე კომენტარი ჯერ არ გაუკეთებია.