დიდი ბრიტანეთის შინაგან საქმეთა მინისტრის, ემბერ რადის თქმით, ყოფილი რუსი ჯაშუში, სერგეი სკრიპალისა და მისი შვილის მკვლელობა ნერვის პარალიზების გამომწვევი საშუალებით სცადეს.

რადის განმარტებით, ეს "თავდასხმა ყველაზე სასტიკად, საჯაროდ განხორციელდა". მინისტრის თქმით, დამნაშავეების გამოვლენისთანავე ბრიტანეთი სათანადო რეაგირებას გამოიჩენს.

სერგეი სკრიპალი და მისი შვილი 4 მარტს, დაახლოებით, 16 საათზე ქალაქ სოლსბერიში მდებარე ერთ-ერთი პარკში გამვლელებმა შოკურ მდგომარეობაში იპოვეს. სკრიპალისა და მისი შვილის ჯანმრთელობის გაურესების მიზეზად მათ შესაძლო მოწამვლას ასახელებნენ.

ადგილი, სადაც დაშავებულები აღმოაჩინეს, კვლავ ამკრძალავი ლენტითა და ტენტითაა შემოსაზღვრული. ასევე, დეზინფექციური სამუშაოები ჩატარდა იმ რესტორანში, სადაც დაშავებულები შემთხვევამდე ცოტა ხნით ადრე იმყოფებოდნენ. ორივე დაშავებული ამ დროისთვის საავადმყოფოშია გადაყვანილი, მათი ჯანმრთელობის მდგომარეობა კვლავ მძიმეა.

გაიგეთ მეტი: ჩვენ ვიცით რითი მოწამლეს ყოფილი რუსი ჯაშუში: ბრიტანეთის ხელისუფლება