რუსეთის თავდაცვის სამინისტროს ინფორმაციით, სირიაში რუსული სატრანსპორტო თვითმფრინავი An-26 ჩამოვარდა და 32 ადამიანი დაიღუპა. ინფორმაციას BBC-ის რუსული ბიურო ავრცლებს.

უწყების თქმით, ასაფრენ-დასაშვებ ბილიკამდე ვერ მიფრინდა და 500 მეტრში მიწაზე დაეცა. მათივე თქმით, თვითმფრინაში ხანძარი ან აფეთქება არ ყოფილა.

სამინისტროში სპეციალური კომისია შეიქმნება, რომელშიც კატასტროფის ვერსიებს განიხილავნენ. წინასწარი ინფორმაციით, თვითმფრინავი, სავარაუდოდ, ტექნიკური გაუმართაობის გამო ჩამოვარდა.

An-26 სამხედრო-სატრანსპორტო თვითმფრინავია, რომელიც სამხედრო ტექნიკისა და სამხედროების გადაყვანისთვის არის განკუთვნილი.