საქართველოს სახელმწიფო ელექტროსისტემის განცხადებით, შენობის ფასადიდან, საიდანა შუშა ჩამოვარდა, სარემონტო სამუშაოები არ მიმდინარეობდა. მათი განცხადებით, შენობის მოსაპირკეთებელი სამუშაოები 2008 ჩატარდა.

"მიზეზების დასადგენად სამხარაულის ექსპერტიზა აწარმოებს მოკვლევას. მომხდარზე დაწყებულია საგამოძიებო მოქმედებები. ვთანამშრომლობთ სამართალდამცავ სტრუქტურებთან და ველოდებით გამოძიების შედეგებს", - ნათქვამია განცხადებაში.

დღეს, 28 თებერვალს, ბარათაშვილის ქუჩაზე შენობის გარე ფასადიდან მინის ჩამოვარდნის შედეგად ქვეითად მოსიარულე 6 მოსწავლე დაშავდა, მათგან ერთ-ერთი გარდაიცვალა.

საქმეზე გამოძიება საქართველოს სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს. მიმდინარეობს საგამოძიებო მოქმედებები.