კულტურის სამინისტროს პროექტ Check in Georgia-ს ფარგლებში ბათუმს ბრიტანული ელექტრონული როკ-ბენდი The Qemists ეწვევა.

The Qemists ლაივ შოუების მაღალი ხარისხით და ცოცხალი შესრულებით გამოირჩევა. ბრაიტონულ მუსიკალურ ენერგეტიკას ქართველი მსმენელი 6 აგვისტოს მიიღებს.

ბენდის გამოსვლამდე სცენაზე ქართული ალტერნატიული როკ-ჯგუფი The Mins გამოვა. 6 აგვისტოს გაიმართება ბენდის ახალი კლიპის პრეზენტაციაც.

The Qemists რეგულარულად მონაწილეობს მსოფლიოს წამყვან ფესტივალებზე. ვუდსთოქზე მათ გამოსვლას ნახევარ მილიონზე მეტი მსმენელი დაესწრო.

ბენდის ბოლო ალბომმა Warrior Sound იაპონიის მუსიკალურ ჩარტებში პირველი ადგილი დაიკავა. ჯგუფის კომპოზიცია Stompbox გამოყენებულია სემუელ ელ ჯექსონის მონაწილეობით გადაღებული ფილმის, Jumper-ის საუნდტრეკად.

ღონისძიება საღამოს 8 საათზე დაიწყება. ბილეთების შეძენა დაწყებულია როგორც ონლაინ, ისე ბათუმისა და თბილისის სალაროებში:

  • ონლაინ: tkt.ge
  • თბილისი, ფილარმონიის სალარო, მელიქიშვილის N1 (12 ივლისიდან) ტელ.: 298 76 82
  • ბათუმი, ბათუმის ბულვარი, ბათუმის ჩოგბურთის კლუბის (კორტების) ადმინისტრაციული შენობა (12 ივლისიდან) ტელ.: 571 331 774