ფინურმა კომპანია HMD Global-მა, რომელიც ბრენდ Nokia-ს ფლობს, Nokia 8110-ის განახლებული ვერსია წარადგინა.

Nokia 8110 განსაკუთრებით პოპულარული ფილმ მატრიცის გამოსვლის შემდეგ გახდა. სწორედ ამ მოდელით სარგებლობდნენ ფილმში ნეო და მორფეუსი

განახლებულ მოდელს 512 მეგაბაიტი ოპერატიული მეხსიერება, 4 გიგაბაიტი შიდა მეხსიერება და Qualcomm 205-ის პლატფორმაზე მომუშავე პროცესორი ექნება. მობილურში ლეგენდარული თამაშის, Snake-ის განახლებულ ვერსიასაც ნახავთ.

Nokia 8110 მაღაზიებში მაისში გამოჩნდება და მხოლოდ 79 ევრო ეღირება.