გუგლის ახალი გადაწყვეტილებით, ფოტოების ჩამოტვირთვა ინტერნეტმომხმარებლებს ცოტა უფრო გაურთულდებათ. საძიებო სისტემების გიგანტმა "სურათის ნახვის" [view image] ღილაკი გააუქმა, რომლის საშუალებითაც მომხმარებლები ფოტოების გახსნას და ჩამოტვირთვას იმ საიტზე შესვლის გარეშეც ახერხებდნენ, რომელზეც ეს ფოტო იყო განთავსებული.

ინტერნეტი ამ ცვლილებით განრისხებულია, თუმცა "სურათის ნახვის" ფუნქცია ფოტოგრაფებსა და გამომცემლობებს ძვირი უჯდებოდათ. ისინი ამბობდნენ, რომ მათ ნამუშევრებს გუგლის საშუალებით მარტივად იპარავდნენ.

გუგლის გადაწყვეტილებას Getty Images-საც უნდა "ვუმადლოდეთ", რომელიც საკუთარი ფოტოგრაფების საავტორო უფლებების დაცვას ითხოვდა.

გუგლმა ასევე წაშალა ფოტოთი ძებნის [search by image] ღილაკი, თუმცა მომხმარებლებს ფოტოს მოძებნა გუგლის ძიების ველში ფოტოს ჩაგდებით ისევ შეუძლიათ.