პრემიერ-მინისტრის გიორგი კვირიკაშვილის განცხადებით, სამართალდამცველთა მიერ ჩადენილი შესაძლო დანაშაულის, არასათანადო მოპყრობისა და გადაცდომების გამოსაძიებლად სახელმწიფო ინსპექტორის სამსახური შეიქმნება. ამის შესახებ მან მთაბრობის სხდომაზე თქვა.

"პროექტი ითვალისწინებს ამ უწყების აბსოლუტურ დამოუკიდებლობას და ამ იერარქიული დამოუკიდებლობის უზრუნველმყოფი იქნება პარლამენტი. ძალიან მნიშვნელოვანია, რომ ჩვენ განვამტკიცოთ ჩვენი მოსახლეობის ნდობა სამართალდამცველების მიმართ", - თქვა კვირიკაშვილმა.

მისი თქმით, აღნიშნული ვალდებულება ევროკავშირთან ასოცირების ხელშეკრულებით არის გათვალისწინებული. კვირიკაშვილის განმარტებით, ახალი დამოუკიდებელი საგამოძიებო მექანიზმი უახლოეს მომავალში ამოქმედდება.