თბილისში, ნაძალადევის რაიონში მოსწავლეებს შორის დაპირისპირება მოხდა. კონფლიქტის მონაწილე ერთ-ერთი დაზარალებული საავადმყოფოშია გადაყვანილი.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 126-ე მუხლის, პირველი ნაწილის "ა" ქვეპუნქტით მიმდინარეობს. რაც ძალადობას გულისხმობს და სასჯელის სახით ითვალისწინებს ჯარიმას ან საზოგადოებისთვის სასარგებლო შრომას ას ოთხმოციდან ორას ორმოც საათამდე ვადით ანდა თავისუფლების აღკვეთას ორ წლამდე ვადით.