Bloomberg Billionaires Index-ის მიხედვით, მსოფლიოს უმდიდრესი 500 ადამიანის ქონება $114 მილიარდით შემცირდა. ამის მიზეზი აშშ-ს ფასიანი ქაღალდების ბაზარზე ფასების მკვეთრი დაცემა გახდა. უმდიდრესი ადამიანების ქონების შემდირებაზე Bloomberg წერს.

აშშ-ს საფონდო ბაზრებზე ფასების მკვეთრი ვარდნის ერთ-ერთ მთავარ მიზეზად, Bloomberg ინფლაციის მოსალოდნელ ზრდას ასახელებს. დონალდ ტრამპის მიერ ინიცირებულ საგადასახადო რეფორმის დამტკიცებას, ბაზრების მხრიდან დადებითი რეაქცია მოყვა და იანვარში ბაზარი მნიშვნელოვნად გამოცოცხლდა, თუმცა ამ წუთისთვის არსებობს პესიმისტური მოლოდინი ინფლაციასთან დაკავშირებით.

ყველაზე დიდი ზარალი საინვესტიციო ბანკის Berkshire Hathaway-ის დამფუძნებელმა, უორენ ბაფეტმა განიცადა. 5 თებერვალს ბაფეტის ქონება $5,1 მილიარდით შემცირდა. ასევე, ბაფეტის ხელთ არსებული ფინანსური კორპორაცია Wells Fargo -ს ღირებულება ჯამურად 9,2 პროცენტით შემცირდა, ამ წუთისთვის ბაფეტის ქონება $85 მილიარდია.

დაზარელებულებს შორის აღმოჩნდა ასევე, Facebook-ის დამფუძნებელი მარკ ცუკერბერგი, მისი ქონება $3,6 მილიარდით შემცირდა და $74,7 შეადგინა. ასევე მნიშვნელოვნად დაზარალდა მსოფლიოს უმდიდრესი ადამიანი ჯეფ ბეზოსი, ჯამურად ზარალმა $3,6 მილიარდი შეადგინა. დაახლოებით $2,5-ით შემცირდა Google-ის დამფუძნებლების, სერგეი ბრინისა და ლარი ფეიჯის ქონება.

დაზარალებულებს შორის აღმოჩნდა, ერთადერთი ქართველი მილიარდელი და საქართველოს ყოფილი პრემიერ-მინისტრი ბიძინა ივანიშვილი. სააგენტოს მონაცემებით, ივანიშვილის ქონება ბოლო დღეებში $120 ით შემცირდა.

Dow Jones ამერიკული საფონდო ბაზრის ყველაზე დიდი მოთამაშეა, მისი სამრეწველო ინდექსი 5 თებერვალს რეკორდული 1 200 პუნტქით დაეცა, პროცენტული თანაფარდობაში ფონდი 4,6 პროცენტით შემცირდა.