2014 წელს გახსნის ფოთის თეატრში ჭერი ჩამოინგრა. შემთხვევის დროს შენობაში არავინ იყო. ჩამონგრეული ჭერი თეატრის დასის წარმომადგენლებმა დღეს აღმოაჩინეს.

როგორ ფოთის მერიის პრესსამსახურმა On.ge-სთან საუბარში აღნიშნა, თეატრი ავარიულ მდგომარეობაშია და რეაბილიტაცია სჭირდება:

"არის აჭედილი გიფსოკარდონით ან რაღაცით და ეს ნაწილი იყო ჩამოშლილი. ჭერს აქვს ბზარები, საჰაერო ადგილებივითაა გაჩენილი. სასწრაფო რეაბილიტაცია სჭირდება შუშებსაც ბზარები აქვს."

მიუხედავად დაზიანებებისა, თეატრი დღემდე ფუნქციონირებდა და სპექტაკლები იმართებოდა. მერიის პრესსამსახურის ინფორმაციით, თეატრის ადმინისტრაცია ამზადებს წერილს, რომ მერიას მიმართოს. ისინი სასწრაფო რეაბილიტაციას მოითხოვენ და სპექტაკლების შეწყვეტას გეგმავენ.

2015 წელს ფოთის თეატრში სატვირთო ლიფტი ჩავარდა, რის შედეგადაც ერთი პირი დაშავდა. მერიის პრესასამსახურის თქმით, მას შემდეგ ლიფტი არ შეუკეთებიათ და დღემდე არ ფუნქციონირებს.