დე-ფაქტო სამხრეთ ოსეთის პრეზიდენტმა, ლეონიდ თიბილოვმა განაცხადა, რომ უახლოეს მომავალში საქართველოსთან საზღვარი რუსეთის მონაწილეობით უნდა გამაგრდეს. ამასთან დაკავშირებით მან მოსკოვში ვიზიტის შემდეგ განაცხადა. ინფორმაციას ამის შესახებ Ekhokavkaza ინტერფაქსზე დაყრდნობით ავრცელებს.

თიბილოვმა განმარტა, რომ ორ მხარეს შორის საუბარი ძირითადად რუსეთსა და სამხრეთ ოსეთს შორის სამეკავშირეო შეთანხმებას შეეხო, რომელსაც გასული წლის მარტში დე-ფაქტო რესპუბლიკის საზღვრის უსაფრთხოებისა და დაცვის მიზნით მოაწერეს ხელი. მისი თმით, სამხრეთ ოსეთისა და რუსეთის შესაბამისი სამსახურები ერთობლივად იცავენ საზღვარს, რომელიც ამ ეტაპზე სრულად დაკეტილია.

თიბილოვმა ასევე განაცხადა, რომ სამხრეთ ოსეთსა და საქართველოს შორის ურთიერთობის ნორმალიზებაზე მოსკოვში საუბარი არ ყოფილა:

"დღესდღეობით ამ სახელმწიფოსთან არანაირი ურთიერთობა არ გვაქვს, გარდა ჟენევის დისკუსიების ფარგლებში მოლაპარაკებებისა".