საპატრულო პოლიციამ ახალგაზრდა კაცი, თბილისის ქუჩებში შიშველი სიარულისთვის, 200 ლარით დააჯარიმა. ამის შესახებ On.ge-ს შინაგან საქმეთა სამინისტროს პრესსამსახურში განუცხადეს.

ფოტო: თათია დვალიშვილი/ FB

როგორც შსს-ს პრესსამსახურში On.ge-ს უთხრეს პირი ადმინისტრაციულ სამართალდარღვევათა კოდექსის 171-ე მუხლის მეორე ნაწილით დააჯარიმეს. ამ მუხლით, საზოგადოებრივ ადგილებში ადამიანის ღირსებისა და საზოგადოებრივი ზნეობის შეურაცხმყოფელი ქმედება, რაც გამოიხატება საზოგადოებაში მიღებული ქცევის წესების აშკარა უპატივცემულობით და იწვევს ადამიანისთვის დამამცირებელი ან შეურაცხმყოფელი გარემოს შექმნას (სექსუალური ხასიათის ქცევა, სრული ან ნაწილობრივი უხამსი გაშიშვლება, საზოგადოებრივ ადგილებში ფიზიოლოგიური მოთხოვნილების დაკმაყოფილება), ისჯება ჯარიმით 100-დან 200 ლარამდე.

შიშველი ახალგაზრდას ფოტოები და ვიდეოები ფეისბუკის საშუალებით არაერთმა ადამიანმა გაავრცელა.