კვენტინ ტარანტინოს ახალ ფილმთან დაკავშირებით ახალ-ახალი დეტალები გახდა ცნობილი. მაგალითად, თუ აქამდე ვიცოდით, რომ ფილმში მთავარი აქცენტი ჩარლზ მენსონის პერსონაჟზე გაკეთდებოდა, როგორც აღმოჩნდა ტყუილი აღმოჩნდა.

ტარანტინომ უკვე დაიწყო პოლონელი მსახიობის ძებნა, რომელიც ფილმში რეჟისორ რომან პოლანსკის როლს შეასრულებს, სწორედ ამ უკანასკნელის პერსონაჟზე გაკეთდება ფილმში მთავარი აქცენტი.

რამდენიმე კვირის წინ ცნობილი გახდა ისიც, რომ კვენტინ ტარანტინომ თავის ახალ ფილმში ოსკარის მფლობელი მსახიობი ლეონარდო დიკაპრიო დაამტკიცა. რომელიც ფილმში პოლანსკისა და მისი ცოლის, შერონ ტეიტის მეზობლის როლს შეასრულებს.

სხვადასხვა წყაროები ავრცელებენ ინფორმაციას იმის შესახებაც, რომ ტარანტინომ როლი ალ პაჩინოსაც შესთავაზა.

ფილმის დაანონსების შემდეგ, მუდმივად ვრცელდება ინფორმაცია, რომ კვენტინ ტარანტინოს ახალ ფილმში მთავარ როლებს ჯენიფერ ლოურენსი და ბრედ პიტი შეასრულებენ, ამბობენ იმასაც, რომ რეჟისორს ამავე ფილმში სამუელ ელ ჯექსონმის ხილვაც სურს.

გარდა ამისა, ტარანტინომ ერთ-ერთ ინტერვიუში თავად თქვა, რომ უნდა ერთ-ერთი პერსონაჟის, შერონ ტეიტის როლი მარგო რობიმ შეასრულოს.

როგორც ამბობდნენ, რეჟისორმა მოლაპარაკებები ბრედ პიტთან, ტომ კრუზთან და ლეონარდო დიკაპრიოსთან ერთდროულად დაიწყო.

საინტერესოა დიკაპრიოს თანხმობის შემდეგ ვიხილავთი თუ არა ზემოთ ჩამოთვლილ მსახიობებს კვენტინ ტარანტინოს ახალ ფილმში.

წინასწარი ინფორმაციით ტარანტინოს ახალი ფილმი მენსონის კრიმინალური ოჯახის შესახებ იქნება და სიუჟტი 1969 წელს განვითარდება. ეს სწორედ ის წელია, როდესაც "მენსონის ოჯახის" ლიდერმა ჩარლზ მენსონმა თავის მიმდევრებს უბრძანა, რომ ლოს-ანჟელესის გარეუბანში მდებარე სახლისთვის შეეტიათ.

მენსონის დავალებით სასტიკად მოკლედ სახლის მცხოვრებლები, მათ შორის იყო მსახიობი შერონ ტეიტი, რეჟისორ რომან პოლანსკის ორსული ცოლი.

ვრცელდება ინფორმაცია იმის შესახებაც, რომ ტარანტინოს სურს ფილმში ასახოს ის მოვლენებიც, როდესაც რომან პოლანსკი 13 წლის გოგოს გაუპატიურებაში დაადანაშულეს. (1978 წელი)

ფილმს Sony გადაიღებს, გამოსვლის თარიღად კი 2019 წლის 9 აგვისტო სახელდება. ზუსტად 50 წლის შემდეგ, რაც მენსონის ოჯახმა სასტიკად აწამა და მოკლა შერონ ტეიტი და მისი სტუმრები.