ოფიციალურად დადასტურდა, რომ ლეონარდო დიკაპრიო კვენტინ ტარანტინოს ახალ ფილმში მთავარ როლს შეასრულებს. მსახიობმა და რეჟისორმა ერთმანეთთან ბოლოს 2012 წელს, Django Unchained-ის გადაღებებისას ითანამშრომლეს.

ფილმთან დაკავშირებით ბევრი დეტალი ჯერ გახმაურებული არ არის, თუმცა წინასწარი ინფორმაციით ის მენსონის კრიმინალური ოჯახის შესახებ იქნება და სიუჟტი 1969 წელს განვითარდება. ეს სწორედ ის წელია, როდესაც "მენსონის ოჯახის" ლიდერმა ჩარლზ მენსონმა თავის მიმდევრებს უბრძანა, რომ ლოს-ანჟელესის გარეუბანში მდებარე სახლისთვის შეეტიათ.

მენსონის დავალებით სასტიკად მოკლედ სახლის მცხოვრებლები, მათ შორის იყო მსახიობი შერონ ტეიტი, რეჟისორ რომან პოლანსკის ორსული ცოლი.

ფილმის დაანონსების შემდეგ, მუდმივად ვრცელდება ინფორმაცია, რომ კვენტინ ტარანტინოს ახალ ფილმში მთავარ როლებს ჯენიფერ ლოურენსი და ბრედ პიტი შეასრულებენ, ამბობენ იმასაც, რომ რეჟისორს ამავე ფილმში სამუელ ელ ჯექსონმის ხილვაც სურს.

გარდა ამისა, ტარანტინომ ერთ-ერთ ინტერვიუში თავად თქვა, რომ უნდა შერონ ტეიტის როლი მარგო რობიმ შეასრულოს.

როგორც ამბობდნენ, რეჟისორმა მოლაპარაკებები ბრედ პიტთან, ტომ კრუზთან და ლეონარდო დიკაპრიოსთან ერთდროულად დაიწყო. საინტერესოა დიკაპრიოს თანხმობის შემდეგ ვიხილავთი თუ არა ზემოთ ჩამოთვლილ მსახიობებს კვენტინ ტარანტინოს ახალ ფილმში.

ფილმს Sony გადაიღებს, გამოსვლის თარიღად კი 2019 წლის 9 აგვისტო სახელდება. ზუსტად 50 წლის შემდეგ, რაც მენსონის ოჯახმა სასტიკად აწამა და მოკლა შერონ ტეიტი და მისი სტუმრები.