GOT-ის ფინალურ, მერვე სეზონს მთელი მსოფლიო სულმოუთქმელად ელის.

თავიდანვე გაფრთხილებთ, რომ ამ სტატიაში თქვენ ყველაზე დიდ სპოილერს შეხვდებით.

თუმცა მანამდე გაგიმხელთ რამდენიმე ოფიციალურ დეტალს რაც HBO-ს ყველაზე საკულტო სერიალის შესახებ ვიცით.

საბოლოოდ დადასტურდა, რომ სამეფო კარის თამაშების ფინალური, მერვე სეზონი 2019 წლამდე არ გამოვა.

როგორც მანამდე სხვადასხვა წყაროები წერდნენ, სერიალის ფინალური სეზონი ძალიან მასშტაბურია, შესბამისად სწორედ ეს გახდა მიზეზი იმისა, რომ დასკვნით ნაწილს მხოლოდ და მხოლოდ 2019 წელს ვნახავთ. ამავე ვარაუდებს თავად შოუს შემქმენელებიც გამოთქვამდნენ და ამბობდნენ, რომ მერვე სეზონის მსგავსი სანახაობა ტელევიზიის ისტორიას არ ახსოვს.

აღსანიშნავია ისიც, რომ ფინალურ სეზონში წინა ნაწილებისგან განსხვავებით უფრო ხანგრძლვი, თუმცა მხოლოდ ექვსი ეპიზოდი იქნება.

ახლა კი მოემზადეთ წლის ყველაზე დიდი სპოილერისთვის.

მზად ხართ?

ინტერნეტში გავრცელდა ვიდეო, სადაც GOT-ის ფინალური სეზონის გადაღების პროცესია ასახული და ჩანს, რომ მთელი ვინტერფელი, დიახ, ვინტერფელი ცეცხლის ალშია გახვეული!

როგორც ჩანს აქაურობას მინიმუმ სამმა დრაკონმა გადაუარა თავისი ცეცხლით!

საშინელებაა არა?

ვინტერფელი პირველივე სეზონიდან სიმყუდროვის, სახლის და დაცულობის ასოციაციას იწვევდა ჩვენში. ახლა კი ვხედავთ, რომ სტარკების ციხესიმაგრე ერთი ხელის მოსმით განადგურდა.

თუმცა იმედი უნდა გვქონდეს, რომ სტარკები უსაფრთხოდ არიან!

ძალიან სამწუხაროა, რომ 2019 წლამდე ვერ ვნახავთ ყველაზე დიდებული სერიალის ვერც ერთ ეპიზოდს და ვერ გავიგებთ რა ხდება სტარკების სასახლეში.