შპს ყვარელრემმშენი, რომლმაც ვარკეთილის მეტროსადგური გაარემონტა, სადგურ ახმეტელის თეატრის ტენდერშიც იღებდა მონაწილეობას, თუმდა დისკვალიფიკაცია მისცეს.

მეტროსადგურ ახმეტელის თეატრის სარეაბილიტაციო სამუშაოების შემსყიდველი ტენდერი თბილისის სატრანსპორტო კომპანიამ 2016 წლის 21 სექტემბერს გამოაცხადა. შპს ყვარელრემმშენმა ტენდერში ყველაზე დაბალი ფასის შეთავაზების მიუხედავად ვერ გაიმარჯვა. სატენდერო კომისიამ მიიჩნია, რომ ელექტრონულ სისტემაში ატვირთული დაზუსტებული დოკუმენტაცია შეიცავდა უზუსტობებს. შესაბამისად, გამარჯვებული მისი კონკურენტი შპს დამბა გახდა და მასთან 2016 წლის 12 დეკემბერს, 523 215 ლარის ღირებულების ხელშეკრულება დაიდო.

დღეს, 30 იანვარს, ახალგარემონტებულ ვარკეთილის მეტროში ჭერის ჩამოვარდნის შედეგად 11 ადამიანი დაშავდა. ერთ-ერთი დაშავებული პატრულის თანამშრომელია.

თბილისის მერმა, კახა კალაძემ განაცხადა, რომ ახმეტელის მეტრო სწორედ შპს ყვარელრემმშენმა გაარემონტა და შესრულებული სამუშაოების შემოწმების პირობა დადო.