დღეს, თბილისში გამართულ ეუთოს საპარლამენტო ასამბლეაზე, ნიკოლაი კოვალიოვმა ისაუბრა ქართული მხარის მოთხოვნებზე.

„რა თქმა უნდა, მხარს არ დავუჭერთ საქართველოს მოთხოვნებს. რუსეთს არ შეუძლია ოკუპაცია უწოდოს იმას, რაც ხდება. ყველაფერი რაც რუსეთმა გააკეთა, ნაკარნახევი იყო ერთადერთი სურვილით, გადაერჩინა ადამიანების სიცოცხლე“.

ქართული მხარე ეუთოს სთხოვს მოუწოდოს რუსეთს 2008 წელს ევროკავშირის მონაწილეობით შედგენილი ექვსპუნქტიანი შეთანხმების შესრულებაში.

ეუთოს საპარლამენტო ასამბლეის 25-ე (ყოველწლიური) შეკრება თბილისში გუშინ გაიხსნა და 5 დღეს გაგრძელდება. ასამბლეას წარმომადგელები 57 ქვეყნიდან ესწრებიან.