ამერიკელი რეჟისორი და სცენარისტი, ოსკარისა და ოქროს გლობუსის მფლობელი ფილმის La La Land ავტორი დემიენ შაზელი საინტერესო პროექტებისთვის ემზადება.

ამჟამად დემიენი ახალ ბიოგრაფიულ ფილმზე, First Man, მუშაობს, რომელშიც რაიან გოსლინგი ამერიკელი ასტრონავტის ნილ არმსტრონგის როლს შეასრულებს.

თუმცა ეს ყველაფერი არ არის, დიდ ეკრანთან ერთად დამიენი ყურადღებას არც ტელევიზიას აკლებს და ერთდროულად სამ სერიალზე მუშაობს.

პირველი პროექტი

The Eddy ასე ერქმევა ახალ მიუზიკლს, რომელშიც მოქმედებაც პარიზში ხდება, მთავარი პერსონაჟები კი მუსიკალური ბენდის წევრები და ერთ-ერთი კლუბის მეპატრონე არიან.

"ყოველთვის ვოცნებობდი პარიზში გადამეღო რამე, ახლა კი უზომოდ ბედნიერი ვარ, განსაკუთრებით როცა ასეთი მაგარი გუნდი მყავს გვერდით", - ამბობს დემიენი.

სერიალისთვის სცენარს ჯეკ ტორნი დაწერს, რომელმაც ცოტა ხნის წინ რ.ჯ პალაციოს წიგნის "საოცრების" მიხედვით კინოსცენარი დაწერა.

ჯერ-ჯერობით უცნობია როდის შედგება სერიალის პრემიერა და ვინ შეასრულებს მასში მთავარ როლებს.

სერიალს ნეტფლიქსი იღებს.

მეორე პროექტი

ნეტფლიქსის გარდა დამიენმა კონტრაქტი Apple TV-სთანაც გააფორმა და ახალ სერიალზე მუშაობა დაიწყო.

ერთადერთი რაც ამ პროექტზე ვიცით არის ის, რომ ის დრამა იქნება და პირველ სეზონში 10 ეპიზოდი იქნება.