ეროვნულ-დემოკრატიული ინსტიტუტის (NDI) კვლევის მიხედვით, საპარლამენტო არჩევნების ჩატარების შემთხვევაში, ყველაზე მეტი ამომრჩეველი ხმას ქართულ ოცნებას მისცემდა.

კითხვაზე, ხვალ რომ საპარლამენტო არჩევნები ტარდებოდეს ვის მიცემდით ხმას, გამოკითხულთა 27-მა პროცენტმა ქართული ოცნება აირჩია. გამოკითხულთა 24 პროცენტი, არცერთ პარტიას არ აირჩევდა. 15 პროცენტს პასუხი არ აქვს, 13 პროცენტი კი აურს აცხადებს.

პარტიებს შორის მეორე ადგილზეა ნაციონალური მოძრაობა, 10 პროცენტით. მას მოსდევს ევროპული საქართველო, 3 პროცენტით. გამოკითხულთა 7 პროცენტი სხვა პოლიტიკურ პარტიებს ირჩევს.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.