ეროვნულ-დემოკრატიული ინსტიტუტის კვლევის მიხედვით, საქართველოს მოსახლეობის უმრავლესობამ არ იცის ვინ არის თავისი მაჟორიტარი დეპუტატი საქართველოს პარლამენტში.

გამოკითხვამ აჩვენა, რომ დეპუტატის დასახელებისას სწორ პასუხს გამოკითხული მოსახლეობის მხოლოდ მეოთხედი სცემს. ამავე კითხვაზე არასწორი პასუხი 14-მა პროცენტმა გასცა, "არ ვიცი" კი 59-მა პროცენტმა უპასუხა.

NDI-ის 2012 წლის საპარლამენტო არჩევნების შემდეგ სწორი პასუხების მაჩვენებელი 70 პროცენტს, 2016 წლის არჩევნების შემდეგ კი 55 პროცენტს აღემატებოდა. ბოლო ხუთ წელში დეპუტატების შესახებ დასმულ კითხვას არასწორად ყველაზე დიდმა წილმა 2017 წლის დეკემბერში უპასუხა.

ფოტო: ფოტო პრეზენტაციიდან / NDI

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.