72 წლის ინგლისელი მუსიკოსი, გიტარისტი და მომღერალი ერიკ კლეპტონი სმენას კარგავს. ამის შესახებ მან BBC-თან ინტერვიუში განაცხადა. მომღერალმა აღნიშნა რომ ტინიტუსს ებრძვის, რის გამოც მუდმივად ესმის ზარების რეკვის, სტვენის, შრიალის და სხვა ხმები.

კლეპტონმა გიტარაზე დაკვრა 13 წლის ასაკიდან დაიწყო, თუმცა თავიდან ძალიან უჭირდა. ხელოვნების კოლეჯიდან გამორიცხვის შემდეგ, ის ჯგუფ The Yardbirds-ს შეუერთდა. კლეპტონი ასრულებდა ისეთ ცნობილ შემრულებლებთან ერთად, როგორიცაა ბიბი კინგი, დევიდ გილმორი, სტივი ვანდერი, პოლ მაკარტნი და მრავალი სხვა.

კლეპტონმა დააარსა Crossroads Centre - ალკოჰოლზე და ნარკოტიკებზე დამოკიდებული ადამიანებისთვის შექმნილი სარეაბილიტაციო კლინიკა, რომელსაც 5 მილიონი შესწირა თავისი გიტარების აუქციონზე გაყიდვის შემდეგ.

უცნობია, აპირებს თუ არა კლეპტონი მუსიკალურ სფეროში მოღვაწეობის გაგრძელებას. მისი ყველაზე ცნობილი სიმღერაა Tears In Heaven.