ოქროს გლობუსის გამარჯვებულების ვინაობა უკვე ვიცით. ოპრა უინფრის შესანიშნავი სიტყვაც განვიხილეთ და შავ ხალიჩაზეც გიამბეთ.

ახლა, ისღა დაგვრჩენია, ანჯელინა ჯოლისა და ჯენიფერ ენისტონის "უხერხული" შეხვედრის ამბავი გიამბოთ, რომელზეც მსოფლიო პრესა აქტიურად საუბრობს.

მანამ, სანამ მთავარ ამბავზე გადავალთ აუცილებლად უნდა გავიხსენოთ, რომ ბრედ პიტისა და ანჯელინა ჯოლის დაშორება მედიამ ოფიციალურად გადააქცია ენისტონის ტრიუმფად.

ახლა კი ოქროს გლობუსს დავუბრუნდეთ.

სავარაუდოდ გეცოდინებათ, რომ ჯენიფერი და ანჯელინა ბოლოს ერთ სივრცეში 2015 წელს Critics' Choice Awards-ზე იმყოფებოდნენ. სამწლიანი პაუზის შემდეგ კი ოქროს გლობუსი გადაიქცა იმ ადგილად, როდესაც ბრედ პიტის ორი ყოფილი ცოლი პირველად გამოჩნდებოდა ერთი და იგივე გარემოში. ვინ, ვინ და ამერიკული ყვითელი პრესა ამ ამბავს ასე მარტივად არ დაივიწყებდა.

აქვე უნდა ითქვას ისიც, რომ ბრედ პიტი, რომელმაც ორი დიდებული ქალი ერთმანეთს გადაჰკიდა, ცერემონიას არ ესწრებოდა. მედიის წარმომადგენლები იმედებს გამოთქვამდნენ რომ ენჯი და ჯენიფერი ერთმანეთს სწორედ ამ ცერემონიაზე შეურიგდებოდნენ, თუმცა ეს მათ გეგმებში არ შედიოდა.

სოციალურ მედიაში აქტიურად განიხილავენ ფოტოებს, რომლებზეც ანჯელინა სცენაზე მდგარ ჯენიფერს თვალს არიდებს, ამ ყველაფერს კი დაკოტა ჯონსონი გაფართოებული თვალებით შესცქერის და მხოლოდ ღმერთმა იცის რას ფიქრობს.

აღსანიშნავია ისიც, რომ ორგანიზატორების გადაწყვეტილებით მსახიობები ერთმანეთისგან საკმაოდ შორი-შორს ისხდნენ.

რა თქმა უნდა სინამდვილეში არავინ იცის დააიგნორა თუ არა ანჯელინამ ჯენიფერი. შეიძლება ასეც იყო, შეიძლება არა, მაგრამ უმეტესობა ჩვენგანი დაკოტა ჯონსინის როლს სიამოვნებით მოირგებდა და დიდი სიამოვნებით უყურებდნენ ამ სცენას.